«ԲԻ ԲԻ ՋԻ» բժշկական կենտրոն

«ԲԻ ԲԻ ՋԻ» բժշկական կենտրոնը միջազգային չափանիշներին համապատասխանող` բազմաֆունկցիոնալ ստացիոնար ունեցող կլինիկական բուժական հիմնարկ է, որտեղ գործում են ընդհանուր և անոթային վիրաբուժության, գինեկոլոգիական, վնասվածքաբանության, անեսթեզիոլոգիայի, նյարդաբանական, քիթ-կոկորդ-ականջի հիվանդությունների, օրթոպեդիայի, թերապիայի, լաբորատոր-ախտորոշիչ-շճաբանական, իմունաբանական, կենսաքիմիական, ուրոլոգիական բաժինները:

Կատարվում են քիմիական, ուլտրաձայնային, թվային ռենտգենյան, կարդիոգրաֆիական, էխոգրաֆիական ու ժամանակակից այլ հետազոտություններ, գործում են վերակենդանացման և ինտենսիվ թերապիայի բաժինները, կատարվում են տարբեր վիրահատություններ ժամանակակից սարքավորումներ ունեցող վիրահատարաններում: Ելնելով տեղի առանձնահատկություններից (գյուղական ծանր աշխատանքներ), բժշկական կենտրոնի ռազմավարության բիզնես ծրագրում շեշտված է ողնաշարային հիվանդությունների բուժումն իրականացնելու հնարավորությունները: Կենտրոնում աշխատում են Երևանից հրավիրված բարձր որակավորում ունեցող բժիշկներ և բուժաշխատողներ: «ԲԻ ԲԻ ՋԻ» բժշկական կենտրոնը հիմնադրել են Գեղարքունիքի մարզի Ծովասար գյուղի բնակիչներ` գործարար Հակոբյան եղբայրները, որոնք և կենտրոնի հովանավորներն են: 

Բժշկական կենտրոնը գտնվում է Գեղարքունիքի մարզի Լիճք գյուղում:

Հեռախոսահամարը` 0262 6-18-68 

Հարցեր, պատասխաններ, մեկնաբանություններ